Forklar kva ein rekneskap er.
Ein rekneskap er ei ordna oppstilling over inntekter, kostnader, eigedelar og gjeld.
Forklar kva økonomi betyr.
Det er mellom anna å lære å finne kapitalbehov, å kalkulere pris og å lage ulike budsjett. Det gir deg ei større forståing for kva som går føre seg i verksemda. Økonomi er gresk og kjem frå ordet for hushald.
Kva er hensikta med å ha ein rekneskap?
Rekneskapen viser resultatet til ei verksemd. Det vil seie om ho har gått med overskot eller underskot. Rekneskapen seier også noko om den økonomiske situasjonen verksemda er i. Rekneskap er noko alle verksemder må ha. Det er lover og reglar som seier korleis det skal gjerast, slik at det blir likt for alle som driv næring.
Kva er eit vedlegg?
Eit vedlegg er eit dokument som viser at vi anten har hatt ei inntekt eller ei utgift. Eit vedlegg er til dømes lønnsslippen frå arbeidsgivaren din, ein bussbillett eller rekninga frå mobilselskapet du bruker.
Kva må eit vedlegg innehalde?
Vedlegget skal vise kva beløpet gjeld, kor stort beløpet er, når (dato) og kven du har teke imot pengar frå eller betalt pengar til.
Kva verktøy vil du bruke når du skal lage ein rekneskap?
Når du skal føre rekneskap, bør du bruke rekneark som verktøy. Det er viktig at du bruker verktøyet effektivt, og at rekneskapen er korrekt og pent sett opp.