Problemløysing
Ungdomsbedrifta Drikkeflaska UB har ikkje heilt oversikt over innbetalingar og utbetalingar. Dei ønskjer derfor å setje opp eit likviditetsbudsjett.
Dei etablerte ungdomsbedrifta i oktober og vil lage eit likviditetsbudsjett for oktober, november, desember, januar, februar og mars. I slutten av mars vil dei vurdere om dei skal halde fram eller leggje ned bedrifta.
Dei har selt partar for kr 1 000, som dei set i banken i november. Dei får sponsormidlar frå mentor i desember på kr 1000. Dei bestiller flasker frå leverandør i november og må betale kontant kr 2 500. Det er éin månads leveringstid.
Dei vil marknadsføre ungdomsbedrifta og bestiller materiell frå ei profesjonell verksemd. Det kostar kr 1 500 og skal betalast i desember.
Registreringsavgifta på kr 200 må betalast i oktober, dei har utgifter til reiser og diverse i samband med messer og salsaktivitetar på rundt kr 500 kvar månad frå desember av. Dei planlegg å ha den første salsstanden sin i desember og reknar med å selje for kr 5 000. Elles blir salet forhåpentlegvis om lag kr 3 000 i januar og februar. Dei bestiller nye flasker i desember, som dei må betale kontant, kr 1 500. Dei reknar med å selje for kr 5 000 i mars på entreprenørskapsmessa.