Aktivitet 6.3.5 – Bilvask UB

Problemløysing

Fem elevar har starta UB og vil vaske bilar. Dei kallar seg Bilvask UB. Dei vil vaske bilane på tunet heime hos den eine eleven som bur i nærleiken av skolen. Dei har behov for svampar, pusseskinn, vaskemiddel og poleringsmiddel. Dei vil i første omgang prøve å vaske bilane til lærarane på skolen. Dei kjem litt seint i gang og får ikkje gjennomført nokre marknadsføringstiltak før etter jul.

Ungdomsbedrifta vil ha desse kontoane i rekneskapen: kontantar, bankinnskot, eigenkapital (eigenkapital/partar), lån av foreldre, salsinntekter og varekjøp.

I januar kjem dei i gang med verksemda. Dei har desse vedlegga:

Vedlegg nr.	Dato	Tekst	Beløp
1	2.1.	Set inn kontantar i bank/Overfører pengar til bank.	800
2	2.1.	Låner av foreldra.	700
3	3.1.	Kjøper vaskemiddel og tilbehøyr.	1 200
4	14.1.	Vaskar to bilar, kontant betaling.	800
5	25.1.	Vaskar to bilar og polerer ein bil, vippsar betaling.	1 200
6	26.1.	Kjøper vaskemiddel og tilbehøyr.	1 200

1. Opne kontoane i rekneskapen til Bilvask UB. Dei har selt partar for kr 800, som dei har i kontantar.
2. Før vedlegga for januar.
3. Avslutt mot resultat og balanse.
4. Gi ein kommentar til rekneskapen.