Kva er gods?
Gods er varer som transportørar formidlar frå sendarar til mottakarar.
Kva er ein intermodal konteinar?
Ein intermodal konteinar kan lastast om frå ei transportform til ei anna.
Kva faktorar er viktige når vi skal velje godstransportteneste?
Pris, transporttid og leveringsservice.
Kva er eit enkelttransportoppdrag, og korleis fastset ein prisen på slike oppdrag?
Enkelttransport er eit enkeltståande oppdrag, og prisen blir fastsett av transportøren for kvart oppdrag ved hjelp av ein sjølvkostkalkyle.
Kva er samlasttransport, og korleis fastset ein prisen på slike oppdrag?
Samlasttransport er gods frå mange sendarar som skal til mange mottakarar. Sendingane går via godsterminalar. Prisen blir fastsett av samlasttransportøren i eigne frakttabellar.
Kva er partilasttransport, og korleis fastset ein prisen på slike oppdrag?
Partilast er sendingar som går direkte frå avsendarar til mottakarar utan omlasting ved terminalar undervegs. Prisen fastset transportøren ved hjelp av ein sjølvkostkalkyle, eller dei inngår ein fraktavtale med kunden.
Kva er konteinartransport, og korleis fastset ein prisen på slike oppdrag?
Ved konteinartransport er konteinaren sjølve godset. Kunden betaler for transport av heile konteinaren, og transportøren reknar ut prisen ved hjelp av ein sjølvkostkalkyle.
Kva er leveringsservice?
Leveringsservice er ulike kriterium som ein transportkjøpar krev at transportørar oppfyller. Døme på formel for leveringsservice: Leveringsservice = servicegrad x leveringspålitelegheit x leveringssikkerheit. Resultatet oppgir vi i prosent.
Kva meiner vi med servicegrad?
Servicegrad = sannsyn for at eit produkt er på lager når ein kunde spør etter vara.
Kva meiner vi med leveringspålitelegheit?
Leveringspålitelegheit = levering til rett tid.
Kva meiner vi med leveringssikkerheit?
Leveringssikkerheit = levering av rett produkt i rett mengd, skadefritt.
Kva for tre faktorar er dei viktigaste ved utrekning av frakt?
Fraktutrekningsvekt på godset, transportavstand, godstype.