Problemløysing
Oppgåva gjeld Fiskomat AS.
Ein dag oppdagar Lars heilt tilfeldig at det er klipt hol i gjerdet i nærleiken av dieseltanken. Lars får straks mistanke om at det kan ha skjedd tjuveri av diesel. Det første han gjer, er å rapportere dette til Kåre på eit avviksskjema.
- Avvik. Lag ein avviksrapport til Kåre om denne uønskte hendinga. Bruk skjema for oppfølgingsfasen.
- Risikoanalyse. Gjennomfør ein risikoanalyse for verdien dieseltank knytt til den uønskte hendinga «uvedkommande tek seg inn på området» og trusselen «dieseltjuveri». Løys oppgåva med utgangspunkt i at vi ikkje har sett i verk nokre tiltak mot dieseltjuveri tidlegare, og at det heller ikkje er sett opp eit system for å registrere kor mykje som blir tappa kvar gong, og kven det er som tappar. Den einaste kontrollen Fiskomat har i dag, er registrering kvar veke av nivået i tanken. Når det er 10 % att, bestiller Lars tankbil for påfylling. Bruk skjema for risikovurderingsfasen. Argumenter også for nivåa du vel for sannsyn og konsekvens, og for det endelege valet av risikonivå.
- Tiltaksplan. Lag ein plan for tiltaka du meiner Fiskomat bør innføre. Bruk skjema for tiltaksfasen.
- Kontroll. Gjennomfør ein tenkt kontroll av tiltaka du føreslo. Bruk skjema for oppfølgingsfasen.