Aktivitet 7.3.1 – Test deg selv

Omgrepstesting

  1. Kva står HMS for? Helse, miljø, sikkerheit.
  2. Kva for ei lov skal sikre eit godt fysisk og psykososialt arbeidsmiljø? Arbeidsmiljølova.
  3. Kva for kapittel i lova er viktige for HMS-arbeidet? Kapitla 2, 3, 4, 6 og 7.
  4. Kan nokon la vere å følgje reglane i lova? Nei.
  5. Kven blir rekna for å vere arbeidsgivar i ei verksemd? Den som eig verksemda.
  6. Kva ansvar har den øvste leiaren i arbeidet med HMS? Leiaren skal sørgje for opplæring av dei tilsette innanfor HMS, dokumentere at opplæring er gjennomført og bestått, sjå til at HMS-arbeidet skjer systematisk og jamleg, dokumentere at HMS-arbeidet er ein integrert del av dei daglege rutinane i verksemda, sørgje for at reglane i arbeidsmiljølova blir følgde.
  7. Kva står forkortinga IA for? Inkluderande arbeidsliv.
  8. Kvifor vart IA eit omgrep i år 2000? Sjukefråværet og talet på uføre auka kraftig på 1990-talet.
  9. Kvifor er det viktig for samfunnet at vi har eit IA? For å kunne halde på dei gode velferdsordningane vi har i Noreg, er det viktig at så mange som mogleg er i jobb og betaler skatt. Så sant arbeidsforholda er gode, er eit det også godt for helsa å vere i jobb.
  10. Kva er dei tre viktigaste måla i den sentrale delen av IA-avtalen? Det er (1) å redusere sjukefråværet, (2) å auke prosentdelen av tilsette med redusert arbeidsevne i arbeidslivet, (3) å auke yrkesaktivitet for eldre arbeidstakarar.
  11. Kva fordelar inneber den lokale delen av IA-avtalen for verksemder? Han gir ekstra ressursar frå NAV og gir rett til å kalle seg IA-bedrift.
  12. Kva må ei ungdomsbedrift gjere for å bli ei IA-bedrift? Dei må (1) setje seg mål for HMS-arbeidet i bedrifta, (2) lage rutinar for oppfølging av fråvær, (3) lage ein handlingsplan for HMS-arbeidet i bedrifta.
  13. Kva betyr Human Resource? Det betyr menneskeleg ressurs og blir forkorta HR.
  14. Kva arbeidsoppgåver har ei HR-avdeling? Dei skal setje trivsel og miljø i fokus. Dei skal lage gode og enkle rutinar innanfor område som rekruttering, introduksjon, oppseiing, avskjed, medarbeidarsamtalar, arbeidsmiljøutval, lagarbeid, oppfølging av sjukefråvær, lønnsfastsetjing og kompetanseutvikling.